Apat na kuwento ang nakapaloob sa pelikulang Daigdig Ng Sindak At Lagim (MVN Cinema, 1974). Isang barkada ang nangahas pasukin ang lumang bahay at napagkatuwaang maglaro ng Spirit Of The Glass kung saan naging bunga nito ay ang sarili nilang katapusan. Si Liza (Liza Lorena) ay nagbakasyon sa Baguio nang makita nito at magustuhan ang isang antigong kuwintas na naiibang palamuting suot ng Igorotang kanyang binilhan ng mga sariwang bulaklak sa Ulo Ng Apo. Dinalaw ito sa panaginip ng isang tribo kung saan si Liza ang ginawang sakripisyo sa kanilang Panginoon. Ano ang Lihim Ng Villa Verde? Matapos ang ilang taong pamamalagi sa Espanya ay nagbalik si Rosanno (Ronaldo Valdez) kasama ang maybahay nitong si Stella (Celia Rodriguez). Unti-unting nabunyag ang katotohanan tungkol sa bastardong kapatid ni Rosanno nang magkasunod-sunod ang misteryosong pagkamatay ng kanyang tatlong kapatid na lalaki at nang sumalin sa katauhan ni Stella ang kaluluwa ni Angelo (George Estregan). Sa kanya ipinamana ng kanilang ama ang Villa Verde at hindi ito matanggap ni Rosanno, kung kaya't kanilang pinaslang ang kapatid. Dinala ni Stella ang mga kaaanak sa silid kung saan nila ibinaon ang mga labi ni Angelo. Ipinahiwatig nito ang katotohanan sa buong angkan upang tuluyang makapaghiganti kay Rosanno. Ang Aagawin Kita... Sor Maria ay isang kuwento ng tatsulok na pag-ibig. Bago mamatay ang ina (Mary Walter) ni Cristina (Gina Pareno) ay ipinagbilin nitong pumasok sa kumbento upang maging isang madre. Sa pagnanais na sundin ang huling tagubilin ay tinanggihan nito ang alok na pag-ibig ni Armando (Franco Rivero). Nang maging isang ganap na madre si Cristina ay tinawag na itong Sor Maria. Habang nagpapahinga sa kanyang silid ay ipinadama ng Diablo (Ruel Vernal) ang pagnanasa nito kay Sor Maria. Mahigpit niya itong pinaglalabanan ngunit hindi siya nagtagumpay hanggang sa bawian ito ng buhay. Sa pagnanais na tuluyang maangkin ng Diablo si Sor Maria ay binuhay niya itong muli ngunit ipinaglaban ni Armando ang kanyang wagas na pag-ibig, nanaig ang kabutihan sa kasamaan, natupok ang Diablo at tuluyang nabawi ang kaluluwa ni Sor Maria.
Iilan lamang ang mga pelikulang tumalakay ng istoryang may kinalaman sa mga hiwaga at kampon ng kadiliman. Naging matagumpay ang Daigdig Ng Sindak At Lagim sa pagtugis nito na mababanaag sa dalawang huling kasaysayan. Mapapansing higit itong pinagtuunan ng pansin ng mga manililikha. Mayabong ang disenyo ng Lihim Ng Villa Verde at Aagawin Kita... Sor Maria. Kapwa dekada 20 ang lunan ng istorya. Kapupulutan din ng aral ang bawat kasaysayan sa pelikula. Kapangahasan ang nagbunsod sa barakadang napagkatuwaan ang pagtawag sa mga ligaw na kaluluwa kaya't nararapat lamang nila itong pagbayaran. Pagnanasa ang nagbunsod kay Liza upang danasin ang sinapit sa kamay ng tribong kumitil sa kanyang buhay. Kasakiman ang nagtulak kay Rossano upang paslangin si Angelo. Pagmamahal ang tanging dahilan upang maigpawan ang mga pagpapakasakit ni Sor Maria. Tahasan itong ipinahiwatig sa mga manonood. Ang paggamit kay Rita Gomez bilang tagapagsalaysay ay higit na nakapagbigay-atensiyon sa pelikula. Kapuri-puri din ang editing na siyang nagpabilis sa daloy ng mga kasaysayan. Nilapatan lamang sana ng orihinal na musika ang pelikula. Maraming nakakapangilabot na mga tagpo ang Daigdig Ng Sindak At Lagim at kung ito ang pagbabasehan ay nagtagumpay ang mga manlilikha nito upang magbigay ng pansumandaling aliw sa mga manonood nito.
Direksiyon: Maria Saret Abelardo At Ruben Arthur Nicdao
Dulang Pampelikula: Ruben Arthur Nicdao
Sinematograpiya: Loreto U. Isleta
Musika: Totoy Nuke
Editing: Jose "Pepe" Marcos
Disenyo: Ruben Arthur Nicdao
Produksiyon: MVN Cinema
12:25 PM
Kamusta? I just wanted to let you know that this article has been featured in Nostalgia Manila! Maraming salamat!
--NM
12:32 PM
you're welcome! maraming salamat din for featuring the post sa blog mo. i really enjoy reading and most especially the photos.
6:06 AM
I liked best the SPIRIT OF THE GLASS episode, but its too skimpy, the running time. We have more horror films back in the 70's from Celso's opus PATAYIN SA SINDAK SI BARBARA which I'm still dying to see until now, MALIGNO, KARUNUNGANG ITIM with Ramon Zamora and LANGIT LUPA AT IMPIYERNO.
Jojo can't wait to read your review of ITIM & MISTERYO SA TUWA.
11:10 AM
Hi Jojo,
I haven't heard of this film but it looks very interesting. It reminds of a 70's Italian/Spanish horror movie. I'm not familiar with the director also. Anything else he's done??
Cheers,
RSE
5:23 PM
You really liked the Spirit Of The Glass episode? my favorite is Ang Lihim Ng Villa Verde. It has a certain eeriness and it was shown two years before The Omen. remember Celia Rodriguez' niece that was first possessed by George Estregan's spirit? the girl's devilish looks reminded me so much of Damien.
5:26 PM
Hi Ronald!
It's one of those omnibus horror movies in the 70's that's as campy as the ones directed by Paul Morrisey and produced by Andy Warhol. I even think that this film is more imaginative than let's say Flesh For Frankenstein. Maria Saret went on to direct films like Susan Kelly Edad 20 and Reyna Ng Pitong Gatang to name a few and Ruben Arthur Nicdao directed the movie Ano Ang Ginawa Ng Babae Sa Ibon Roy Rustan's launching film produced by his mom Laila Dee.
11:59 PM
Cool. I actually like Paul Morrisey's Blood for Dracula. You really have encyclopedic knowledge of the 70's/80's films, I haven't heard of those films you've listed above, he he he. :-)
RSE
4:11 AM
Hi Ronald!
Maria Saret has done quite a number of movies. She was the first female director who directed some well known bold films during the 70's, although she went to make films like Rugged Terry with Beth Bautista. By the way Susan Kelly starred Vilma Santos while Nora Aunor had Nora Aunor in the title role.
4:23 AM
Hi there Jojo,
I'd just like to extend my appreciation for being one of the primary movers for my growing appreciation for Philippine cinema.
I hope you don't mind if I link your blog from mine.
Oggs Cruz
oggsmoggs.blogspot.com
5:01 PM
Thanks a lot Oggs! I do read your film reviews and they're extremely informative. Keep up the good work! Thanks for the link!
Regards!
5:25 PM
Thrilled to have seen the clip posted in You Tube.
Any chance you can post more clips from this movie? I participated as an extra in the one of the brothers fighting over their inheritance, One of the nag-lalamay, and with a speaking part too!
And my father did the part of the lawyer who read them the will. Made good friends in this film and to this day I am in touch with some of them.
Congratulations for your hard work here!
regards, Maite